Америкийн Нью-Йорк мужийн баруун хойд хэсэгт газар хөдөлжээ. Энэ нь сүүлийн 40 жил ажиглалтын хугацаанд бүртгэгдсэн хамгийн хүчтэй газар хөдлөлт байсан талаар NBC суваг мэдээлсэн байна. 

Эх сурвалжийн мэдээлснээр, Нью-Йорк мужийн Эри тойрогт газар хөдлөлт бүртгэгдсэн бөгөөд голомт нь гурван километрт, төв нь Уэст-Сенек хотоос урд зүгт хоёр километр зайд байсан гэнэ. 

Газар хөдлөлт судлаачдын мэдэгдсэнээр, чичирхийлэлт Ниагарын хүрхрээнд ч мэдэгдсэн байна. Одоогоор энэ газар хөдлөлтийн улмаас хохирсон хүн болон бусад хохирлын талаарх мэдээлэл гараагүй байгаа аж. 

Г.Бямбасүрэн