"Лос-Анжелес", "Оклахома Сити Тандер" багуудын тоглолтын үеэр Америкийн сагсан бөмбөгчин Леброн Жеймс НБА-ийн түүхэн дэх үнэмлэхүй дээд амжилтыг тогтоолоо.
Тэрбээр тоглолтын явцад 36 оноо авснаар Абдул Жаббарын тогтоосон дээд амжилтыг эвджээ. Ингэснээр нэг тоглогч карьерынхаа туршид цуглуулсан онооны тоогоор НБА-ын түүхэн дэх хамгийн аугаа амжилтыг тогтоосон байна. Түүний оноо нийтдээ 38 388 болжээ.
Түүнээс өмнө энэ дээд амжилтыг тогтоосон Карим Абдул-Жаббарын амжилтыг 34 жилийн туршид хэн ч эвдээгүй байсан юм. Домогт төвийн тоглогч Карим Жаббар 1989 онд 38 387 оноотойгоор карьераа дуусгаж байжээ. НБА-ын зургаан удаагийн аварга тэрбээр Леброн өөрийнх нь дээд амжилтыг эвдсэн тоглолтыг үзэж сонирхсон байна.
Дээд амжилт эвдэх оноо авсны дараа Абдул-Жаббар босож зогсон, алга ташиж Жеймс Лебронд хүндэтгэл үзүүлжээ.
Г.Бямбасүрэн
| Уншиж байна |