XVII жарны "Үзэсгэлэн болгогч" хэмээх Усан туулай жилийн сар шинийн баярыг тохиолдуулан Монгол Улсын Ерөнхийлөгч У.Хүрэлсүх төрийн дээд цол, одон, медаль гардууллаа.

Монгол Улсын Хөдөлмөрийн баатар цолыг Увс аймгийн Тэс сумын малчин, гавьяат малчин Б.Равагт олголоо.

Тэрбээр Увс аймгийн “Лениний зам” нэгдлээс ажлын гараагаа эхэлж мал аж ахуйн салбарт тасралтгүй 60 гаруй жилийн хөдөлмөрөө зориулахдаа 27 жилд нь эх мал маллаж, мал сүргээ үйлдвэрлэлийн даалгавраас давуулан өсгөж, сүүлийн арван жилд олон мянган төл малыг хорогдолгүй бүрэн бойжуулж, малд тарга тэвээрэг авахуулах, малаас авах ашиг шимийг өсгөх болон мал сүргийн бүтцийн зохист харьцааг бий болгох, малын үүлдэр угсааг сайжруулахад онцгой анхааран уйгагүй хөдөлмөрлөж, БНМАУ-ын хошой Аварга малчин, хошой Энх сүрэгтэн, Мянгат малчин цолыг хүртсэн байна.

Мөн төрөлх сумандаа хүмүүнлэгийн ажлыг өрнүүлэн баг болон сумынхаа 30 гаруй айл өрхийг 1,000 гаруй толгой халуун хошуут малаар малжуулж, мал маллах уламжлалт арга ухааныг залуу малчдад өвлүүлж, малчдын залуу халааг бэлтгэн хойч үедээ үлгэрлэж, хөдөлмөр бүтээлээрээ манлайлсан юм.

ДҮГЭРИЙН ЛХАГВАД ХӨДӨЛМӨРИЙН БААТАР ЦОЛ ХҮРТЭЭВ

Монгол Улсын Ерөнхийлөгч Ухнаагийн Хүрэлсүх зарлиг гарган Ховд аймгийн Чандмань сумын уугуул, Монгол Улсын Гавьяат малчин Дүгэрийн Лхагвад Монгол Улсын Хөдөлмөрийн баатар цол хүртээлээ.

Тэрбээр мал аж ахуйн салбарт 50 гаруй жилийн хөдөлмөрөө зориулахдаа мал маллах уламжлалт арга туршлагыг бүтээлчээр хэрэгжүүлэн отор, нүүдлийг үр дүнтэй зохион байгуулж, эр хонины амьдын жинг 74кг, эм хонийг 65 кг хүргэн мал сүрэгтээ тарга хүчийг авахуулж, малын зүй бус хорогдол гаргалгүй, төл малыг 100-110 хувь бойжуулж, малаас гарах түүхий эдийн төлөвлөгөөгөө тогтмол давуулан биелүүлж, сумынхаа залуу малчдын зөвлөх багшаар 40 гаруй жил ажиллаж, олон арван сум, аймаг, улсын аварга малчдыг төрүүлэн, малч ухааныг өвлүүлж, малын бэлчээрийг зохистой ашиглах, усалгаажуулахад идэвх санаачилга гарган Тоонот, Цагаан-Овоот, Арын худаг, Харуул хөх зэрэг газруудад өөрийн хөрөнгөөр худаг гаргаж, бэлчээрийн ашиглалт болон малын үүлдэр угсааг сайжруулах, ашиг шимийг дээшлүүлэхэд мэдлэг туршлагаа дайчлан ажиллаж, жигд цайвар өнгийн нарийн ноолууртай “Бумбын улаан” шинэ омгийн ямаан сүргийг бий болгож, жил бүр 50-100 толгой шилмэл хээлтүүлэгч бойжуулан сүргийн чанарыг сайжруулж, орон нутгийн иргэдийг малжуулахад онцгой анхаарч, мал аж ахуйн үйлдвэрлэлийн хөгжилд жинтэй хувь нэмэр оруулжээ.

Ардын зураач цолоор

Урлагийн гавьяат зүтгэлтэн Ц.Байды

Ардын эмч цолоор

Хавдар судлалын төвийн зөвлөх эмч, Хүний гавьяат эмч Р.Сандуйжав

Аж үйлдвэрийн гавьяат ажилтан цолоор

Монголын арьс ширний холбооны УЗ-ийн гишүүн О.Рагчаа 

Гавьяат багш цолоор

Нийслэлийн нэгдүгээр сургуулийн ахмад багш Н.Цэвээн

"Өнөр бүл" хүүхдийн төвийн ахмад багш Д.Дашдулам

"Төгс баясах" ТББ-ын зөвлөх багш Т.Болормаа

Шинжлэх ухааны гавьяат зүтгэлтэн цолоор

Профессор Б.Цогоо

Гавьяат хуульч цолоор

Хуульзүйн туслалцаа төвийн өмгөөлөгч Д.Пүрэвдорж

Гавьяат малчин цолоор

Дундговь аймгийн Луус сумын малчин С.Баатар 

Гавьяат механикжуулагч цолоор

Бооцын тариа ХХК-ийн захирал С.Баатар

Гавьяат эдийн засагч цолоор

Хаан шонхор ХК-ийн Ерөнхий нягтлан бодогч М.Нармандах

Хүний гавьяат эмч цолоор

СЭМҮТ-ийн эмч Я.Сампил

Мэдрэлийн мэс заслын эмч Ц.Энхбаяр 

Эх барих, эмэгтэйчүүдийн их эмч С.Сарантуяа

Урлагийн гавьяат зүтгэлтэн цолоор

СТӨ-ий захирал Д.Ариунбаатар

Уран дархан, уран барималч Г.Энхтөр

Сүхбаатарын одонгоор

Увс аймгийн Давст сумын өндөр настан Ю.Жавзан нарыг шагналаа.