Японы мэргэжлийн сумогийн 69 дэх их аварга Хакухо М.Даваажаргалын зодог тайлах ёслолоо өнгөрсөн сард хийсэн. Тэгвэл тэрбээр энэ ёслолынхоо дараа  өөрийн нэрээ Мияагино болгон өөрчилжээ.

 Энэ талаар эдийн засагч Д.Жаргалсайхан "Хакухо аварга М.Даваажаргал Мияагино нэртэй болжээ. Монголчуудын хувьд бол Мөнхбатын Даваажаргал хэвээрээ. Усыг нь уувал, ёсыг нь дага гэдэг. Сумогийн бөхөөс дасгалжуулагч багш болж, дэвжээгээ өвлөн авсан, алдар хүндийн оргилд хүрсэн зам нь амаргүй байжээ. Яаж амжилтанд хүрсэн, яагаад нэг юмыг төгс хийх, яаж төвлөрөх тухай тэрээр ярьсан. Энэ ярилцлагыг түүний Токиогийн Сумида дүүрэгт байрлах дэвжээн дээр нь хийлээ" хэмээн нийгмийн сүлжээндээ бичжээ.