Засгийн газрын өнөөдрийн хуралдааны шийдвэрийг Эдийн засгийн хөгжлийн сайд Ч.Хүрэлбаатар танилцууллаа.
Тэрбээр Ерөнхий сайд Л.Оюун-Эрдэнийн БНСУ-д хийсэн айлчлалын талаар “БНСУ-д хийсэн өмнөх айлчлалуудаар зээлийн талаар ярилцдаг байсан бол энэ удаа гадаадын шууд хөрөнгө оруулалтыг Монгол Улсад татах чиглэлээр хэд хэдэн уулзалтыг амжилттай зохион байгууллаа. Ерөнхий сайд Самсунг, Korea telecom, Daewoo, Hyundai зэрэг томоохон компанийн удирдлагатай уулзаж, Монголд хийх хөрөнгө оруулалтын талаар санал солилцсон" гэдгийг мэдээлэв.
Мөн тэрбээр эдийн засгийн нөхцөл байдлын талаар мэдээлэл өгөв. "ҮСХ-ноос эдийн засгийн 2022 оны үзүүлэлтүүдийг эцэслэн гаргасан. Эдийн засгийн өсөлт 4.8 хувь болж өссөн байгаа. 2020 онд Монгол Улсын эдийн засаг -4.6 байсан. Цар тахлын өмнөх 2019 онтой харьцуулвал эдийн засгийн өсөлт 1.6 хувийн өсөлттэй байна. Цар тахал, дайн гурван жилийн хүндрэлийг 2022 онд эцэслэн давж гарлаа гэдгийг онцлон хэлмээр байна.
Монгол Улсын ДНБ-ий хэмжээ 52.9 их наяд төгрөгт хүрсэн.
Эдийн засаг тогтворжиж байна. Эдийн засагт хэд хэдэн эерэг үзүүлэлт гарна гэж тооцож байна.
-
Зэс, нүүрс, алтны үнэ өндөр байна. Тэгэхээр Монгол Улсын экспорт сайн байна.
-
2023 оны 03 дугаар сард Оюутолгойн гүний уурхай тогтмол үйл ажиллагаатай болно. Энэ бол манай эдийн засгийн эерэг мэдээний нэг" гэдгийг Эдийн засгийн хөгжлийн сайд Ч.Хүрэлбаатар онцоллоо.
| Уншиж байна |