Иран улс Орос руу нууцаар их хэмжээний зэвсэг нийлүүлсэн байж болзошгүй гэж  Sky News телевизийн эрэн сурвалжлах нэвтрүүлэгт өгүүлжээ. Сэтгүүлчдийн үзэж байгаагаар 100 сая сум, 300 мянган артиллерийн сумыг Каспийн тэнгисээр илгээсэн байж болзошгүй гэнэ.

Тодруулбал, нэгдүгээр сард Ираны боомтуудаас Астрахань ру "муса Жалиль" болон "Бегей" гэсэн ачааны хоёр хөлөг онгоц хөдөлсөн бөгөөд эдгээр онгоц дээр зэр зэвсэг бүхий 200 чингэлэг ачсан байсан гэж сэтгүүлчид онцолжээ. Тусгай албаныхны эх сурвалжийн өгүүлснээр, энэ хоёр онгоц хоёулаа Оросын далбаатай явж байсан гэнэ. ачаанд автомат, винтов, пуужин, артиллерийн төхөөрөмжийн сум, дуулга, хуягт хантааз байсан гэнэ. Орос энэ барааг бэлэн мөнгөөр тооцоо хийн худалдан авчээ.

Хөлөг онгоцуудын явсан чиглэлийг харуулдаг Marine Traffic системээр шалгахад дээрх хоёр хөлөг онгоц үнэхээр нэгдүгээр сард Иранаас Астраханийг чиглэн явсан байна. Мөн хиймэл дагуулын зургаар ч баталгаажиж байгаа гэж Sky News суваг онцолжээ. 

Г.Бямбасүрэн