БНАСАУ удаа дараа пуужин харвасаар байгаатай холбоотойгоор Япон улс нэмэлт хориг арга хэмжээ тавьжээ. Энэ талаар Японы Сайд нарын танхимын Ерөнхий нарийн бичгийн дарга Хироказу Мацуно мэдэгдсэнийг Kyodo дамжуулсан байна.

"Хойд Солонгосын эсрэг нэмэлт арга хэмжээ болгож БНАСАУ-ын пуужин, цөмийн хөтөлбөртэй холбоотой дахин гурван этгээдийг хориг арга хэмжээний жагсаалтад оруулах шийд гаргалаа" хэмээн Хироказу Мацуно мэдэгдсэн ч эдгээр хүмүүсийн нэрсийг зарлаагүй байна.

Япон улс Хойд Солонгос цөмийн туршилт хийсний дараа 2006 онд анх нэг талт хоригуудыг БНАСАУ-ын эсрэг тавьж байлаа. Энэ хориг нь бараа бүтээгдэхүүний экспорт, импортыг яхзгаарлах, Японы боотмууд руу Хойд Солонгосын хөлөг онгоцуудыг оруулахыг хориглохтой холбоотой. Анхны хоригийг тавьснаас хойш хориг арга хэмжээний хугацааг хэдэнтээ сунгаж, хоригт орсон компани, хөлөг онгоц, хувь хүмүүсийн жагсаалтыг өргөжүүлсээр байгаа юм.

Г.Бямбасүрэн