Дөрөвдүгээр сарын 29-ний өдрөөс эхлэн ОХУ-ын Эрхүү хотоос Монгол руу шууд нислэг үйлдэхээр болжээ. Шууд нислэгийг Оросын "ИраАэро" компани үйлдэх юм байна. 

"2023 онд Улаанбаатар руу хийх нислэгийг сэргээж буй дотоодын анхны компани болж байгаадаа бид баяртай байна. Эрхүү муж, Монгол Улстай ажил хэргийн нягт холбоо харилцаатай байдаг. Тиймээс манай онгоцонд нэн тэргүүнд бизнесийн төлөөлөгчид болон жуулчид зорчино гэж бид найдаж байна. Нислэг үйлдэхэд ихээхэн тус, дэмжлэг үзүүлсэн Монголын Иргэний агаарын тээврийн ерөнхий газарт талархаж байна" хэмээн "ИрАэро" компанийн Ерөнхий захирал Юрий Лапин "Восток Телеинформ" сонинд ярьжээ.

Нислэгийг долоо хоногт нэг удаа, бямба гарагт SSJ-100 онгоцоор үйлдэх бөгөөд тавдугаар сарын 29-ний өдрөөс эхлэн даваа болон бямба гарагт гээд долоо хоногт хоёр өдөр үйлдэх юм байна. Тийзний үнэ 12.6 мянгаас 16,2 мянган рубль буюу монгол мөнгөөр 403 220-518426 төгрөгийн үнэтэй байх аж.

Г.Бямбасүрэн