БНСУ-ын BTS-ийн хамгийн залуу гишүүн Жонгүг асар их хандиваар олны анхаарлыг татаад байна. Түүний хувьд Сөүлийн их сургуулийн хүүхдийн эмнэлэгт 1 тэрбум вон хандивлажээ. Тэрбээр “Зовлон зүдэрсэн хүүхдүүдэд бага ч гэсэн тус болно гэж найдаж, эрүүл энх байж, хурдан эдгэхийн ерөөлийг дэвшүүлж дэмжлэг үзүүллээ” хэмээсэн байв. 

Сөүлийн их сургуулийн хүүхдийн эмнэлэгт хүнд, ховор эдгэршгүй өвчин, хүүхдийн хорт хавдар, цусны хорт хавдар туссан хүүхдүүд дэлхийн  өнцөг булан бүрээс ирж эмчлүүлдэг аж.
 

Жонгүгийн хувьд BTS-ийн гишүүд дундаас хамгийн энэрэнгүй гишүүдийн нэг юм. Тэрбээр өнгөрсөн оны 11 дүгээр сард BTS болон тэдний "Big Hit" агентлаг 5 жилийн хугацаанд UNICEF-д нийтдээ 5.9 тэрбум вон хандивласан байна. 

Жонгүг дэлхий дахинд зөвхөн соёл урлаг төдийгүй нийгмийн сайн зүтгэлтэн гэдгээ ч харуулж байна. Түүний гялалзаж буй шалтгаан нь зүгээр нэг дэлхийн хэмжээний од болхоос гадна эргэн тойрноо харж, гараа сунгадаг халуун дулаан зан чанар хэмээн ойр тойрныхон нь ам сайтай байдаг гэнэ.

Ц.Наранцацрал