"Дэйтон флайерс" багийн тоглогч Шаравжамцын "Майк" Энхийн-Од энэ жилийн NBA draft буюу шинэ тоглогчдын сонгон шалгаруулалтад албан ёсоор байршлаа. 

NBA-ийн драфт 2023 оны зургаадугаар сарын 22-нд АНУ-ын Нью-Йорк хотод болох аж. 

Ш.Энхийн-Од нь өнгөрсөн хавар АНУ-ын ахлах сургуулийг 2022 оны төгсөлтийн Дэлхийн шигшээд багтан АНУ-ын үе тэнгийнхнийхээ шигшээ багтай хийсэн тоглолтод оролцож, намраас нь Дэйтон их сургуулийн багийн хамгаалагч болж,улирлын турш амжилттай тоглон "Атлантик-10" конференцийн шинэ тоглогчдын бэлгэдлийн шигшээд нэрлэгдсэн юм.

Монголын сагсанбөмбөгчдөөс Хойд Америкийн оюутны лиг NCAA-д мөрөө гаргасан анхны монгол хүн болсон Ш.Энхийн-Од сагсанбөмбөгийн түүхэнд шинэ хуудас нээж яваа чадварлаг нэгэн билээ.