Зөвлөлт, Оросын эстрадын нэрт дуучин Алла Пугачева нөхөр Максим Галкин нь Оросын өдүүлсэн дайныг эсэргүүцсэнийхээ төлөө "гадаадын агент" гэсэн жагсаалтад багтсаны дараа нөхрөө хамгаалан мэдэгдэл хийж, улмаар гэр бүлийн хамт Оросоос нүүсэн юм. Сүүлийн нэг жилийн хугацаанд Израильд амьдарч буй Пугачева Орос дахь компаниудаа ээлж даараалан хаасаар, хамгийн сүүлийнхийг нь саяхан хаасан гэж КП агентлаг мэдээлжээ. 

Тодруулбал, Alla Pugacheva брэндийн гутал үйлдвэрлэлийг Пугачева нэг мөр зогсоосон байна. Тэрбээр энэ брэндийн гутлыг гаргахдаа "Эконика" компанитай хамтарч, гутлын дизайныг гаргадаг байжээ.

Эконика компанийн сайт дээрээс Пугачева загварыг нь гаргасан бараг бүх гутлыг хассан байна. Үлдсэн загваруудыг ихээхэн хямдралтай худалдаалж байгаа аж. Цаашдаа "Алла Пугачева" нэрээр ямар ч бүтээгдэхүүн гаргахгүй гэж компанийн удирдлагууд мэдэгджээ. 

Г.Бямбасүрэн