Германы автомашин үйлдвэрлэгч Mercedes-Benz урьдчилан сэргийлэх арга хэмжээний хүрээнд дэлхий даяар худалдаалагдсан 23,5 мянган машиныг эргүүлэн татахаар болжээ. Энэ талаар ХБНГУ-ын Тээврийн хэрэгслийн асуудал эрхэлсэн холбооны газраас авсан эх сурвалжтайгаар DPA агентлаг мэдээлсэн байна.

Эх сурвалжийн мэдээлснээр, программ хангамжийн хуучирсан тохиргооны улмаас тормозлох үед дугуйг түгжихээс сэргийлдэг систем, хөдөлгөөний тогтворжуулалтын систем алдагдах аюултай гэж үйлдвэрлэгч үзжээ. Программ хангамжийг шинэчилснээр энэ асуудал шийдэгдэх аж.

Германы автомашин үйлдвэрлэгч Mersedes-Benz компани дэлхий даяар машин эргүүлэн татах ажилд 2020-2021 онд үйлдвэрлэгдсэн S ангиллын автомашинууд хамаарах юм байна.

Г.Бямбасүрэн