БНСУ иргэдээ хоргодох байранд орох анхааруулга гаргаж, цуцлав
2023-05-31 06:46

Өнөөдөр өглөөний 06.29 цагт БНСУ-д ажиллаж амьдарч байгаа Монгол иргэдийн утсанд ирсэн анхааруулга мессэжтэй холбогдуулан тус улсад суугаа Элчин сайдын яамнаас мэдэгдэл гаргажээ. 

 

Тус мэдэгдэлд "2023 оны 05 дугаар сарын 31-ний өдрийн 06.29 цагт БНАСАУ өмнө зүгт сансрын пуужин харвасантай холбогдуулан Сөүл хот болон Пэгрён-ду орчимд пуужингийн хэлтэрхий унах магадлалтай гэж үзэн иргэдийг хоргодох байранд орох анхааруулга гаргасан ч 06:41 цагт анхааруулгыг цуцлав. Иймд сургууль, албан газрууд хэвийн ажиллана. 

ЭСЯ-аас холбогдох байгууллагаас гаргасан сэрэмжлүүлэг мэдээллийг тухай бүр хүргэж ажиллах тул Иргэд Та бүхэн сонор сэрэмжтэй байна уу" гэсэн байна.

 

 

Shuud.mn
Сонин хачин