Энэ оны гуравдугаар сард Starbucks компанийн ерөнхий захирлын албан тушаалд томилогдсон Лаксман Нарасимхан Хятадад айлчилж байна. Тэрбээр айлчлалын үеэр Хятадтай хамтран ажиллах төлөвлөгөөнийхөө талаар сэтгүүлчидтэй хуваалцжээ. 

Тэрбээр өнгөрсөн онд зарласан, 2025 он гэхэд Хятадад 9000 салбартай болхо зорилго өөрчлөгдөөгүй хэмээсэн байна. Өмнө нь "цайны орон" гэгдэж байсан Хятад улсад сүүлийн жилүүдэд нэг хүн амд ногдох кофены хэрэглээ нэмэгдэж байгаа юм. Гэхдээ энэ хэрэглээний өсөлт Япон, АНУ-аас хол хоцорч байгаа нь бизнес өсөхөд олон боломжийг өгч байна гэж Нарасимхан онцолжээ. 

Хятадын Шанхай хотод Starbucks -ийн 1000 гаруй салбар байдаг бөгөөд энэ нь дэлхийн бусад хотуудтай харьцуулахад хамгийн өндөр үзүүлэлт юм. Starbucks  анх 1999 онд Хятадад анхны салбараа нээж байсан. 2023 оны дөрөвдүгээр сарын хоёрны байдлаар энэ компани Хятадын 244 хотод нийт 6,2 мянган салбартай болжээ.

Г.Бямбасүрэн