Урьдчилан анхааруулалгүйгээр агаараас эсэргүүцэн хамгаалалтын таних бүсэд Орос, Хятадын нисэх хүчний онгоцууд хамтран нислэг үйлдсэний улмаас БНСУ ОХУ, БНХАУ-д хандан эсэргүүцэл илэрхийлжээ. Улмаар цаашид ийм явдал гаргахгүй байхыг уриалсан гэж Коммерсант мэдээлсэн байна.
"Хятад болон Оросын цэргийн онгоцууд урьдчилан мэдэгдэлгүйгээр Солонгосын агаараас эсэргүүцэн хамгаалалтын таних бүсэд орж, манай агаарын орон зайд ойр чухал бүс нутгуудын дээгүүр ниссэнтэй холбоотойгоор энэ хоёр оронд харамсаж байгаагаа илэрхийлж байна" гэж Өмнөд Солонгосын Батлан хамгаалах яам мэдэгджээ.
Орос, Хятадын зэвсэгт хүчин зургадугаар сарын зургааны өдөр хамтарсан агаарын эргүүл хийсэн юм. Энэ үеэр хоёр орны онгоцууд Япон, Дорнод Хятадын тэнгисүүдийн агаарын орон зайд орсон байна.
Г.Бямбасүрэн
| Уншиж байна |