УИХ-ын үдээс хойших чуулганы хуралдаан эхэллээ. Хуралдаанаар Улсын Их Хурлын сонгуулийн тухай хуульд нэмэлт, өөрчлөлт оруулах тухай хуулийн нэгтгэсэн төсөл болон хамт өргөн мэдүүлсэн тогтоолын төслүүдийн анхны хэлэлцүүлгийг хийж байна. 

Хэлэлцэж байгаа асуудалтай холбогдуулан гишүүд асуулт асууж, хариулт авч байна.

УИХ-ын гишүүн Н.Наранбаатар: Жагсаалтын ард муу нэртэй улстөрч орж ирэхээр болгоомжилж байна. Энэ асуудал үүсэхгүй байх баталгаа нь юу юм бэ? Нийгмийн бүлгүүдийн төлөөллийн оролцоог хэрхэн хангах вэ? Сонгуулийн зардал хэт өндөр байгааг яаж хязгаарлах вэ? 

Ажлын хэсгийн ахлагч Д.Тогтохсүрэн: Жагсаалтаар нэр дэвшигч өөрөө сурталчилгаа хийхгүй. Зөвхөн нам, эвслийн сонгууль эрхэлсэн байгууллагаас хийнэ. Гурав хүртэл хуудастай сурталчилгааны хуудас гаргана. Тухайн нам эсвэл нэр дэвшигчдээ танилцуулна. Энэ хуулийн дараа Улстөрийн намын тухай хууль гарна. Уг хуулинд нэр дэвшигчдэд тавих шаардлагыг зааж өгөхгүй бол болохгүй байна. Төсөлд сонгуулийн зардал 40 гаруй хувиар буурах боломжтой гэж оруулж ирсэн. Ухуулагчийн зардлыг бууруулна. Самбарыг зардал байхгүй болж байна. 

Хууль санаачлагч Н.Энхболд: Сонгуулийн зардлыг бууруулахтай холбоотой хуулийн төсөлд нам эвсэл нэр дэвшүүлэхдээ намын гишүүн дэмжигчээсээ мөнгөн болон мөнгөн бус үйлчилгээ дэнчин авахыг хориглоно. Намууд шилэн маягаар тайлангаа тавиад явбал энэ нь хамгийн том хамгаалалтын нэг болно гэж үзэж хуулийн шинэчлэлтэд оруулж байна. 

УИХ-ын гишүүн Ц.Сандаг-Очир: Нийгмийн төлөөлөл гэдгийг хэрхэн ойлгож байна вэ?