Украин руу ОХУ түрэмгийлж, дайн дэгдээсний улмаас Украинаас олон мянган хүн Европ руу дүрвэсэн юм. Тэдний нэг болох, Украинаас Бельгид очсон дүрвэгч лотоноос 500 мянган доллар хожжээ. Энэ талаар Бельгийн RTL суваг мэдээлсэн байна.

Эх сурвалжийн мэдээлснээр, жекпот хожсон хүн нь 18-24 насны эр бөгөөд жилийн өмнө Украинаас Бельгид иржээ. Тэрбээр Брюссель хотод ажиллаж, амьдардаг, аз таарсан сугалаагаа шатахуун түгээх станцаас таван еврогоор худалдан авсан гэнэ. 

Энд дуулгахад, өнгөрсөн долоо хоногт өөр нэг азтай эрийн талаар гадаадын хэвлэлүүд мэдээлж байв. Америкийн оршин суугч эр лотоны хоёр тасалбар худалдан авах гэсэн ч  мөнгө нь хүрээгүй тул ганцхан тасалбар авчээ. Энэ сугалаагаараа 20 доллар хожиж, хожсон мөнгөөрөө дахин сугалаа авахад 2 000 000 долларын тохирол таарсан байна. 

Г.Бямбасүрэн