Чингэлтэй дүүргийн гуравдугаар хороонд байрлах Нийслэлийн өмчийн гуравдугаар байр буюу Урт цагааны нураах шийдвэр гаргасан билээ. Ингэхдээ иргэдээс санал асуулга явуулж санал асуулгад 96 хувь нь цэцэрлэгт хүрээлэн байгуулахыг дэмжсэн билээ. Одоогоор урт цагааныг буулгах ажил 70 гаруй хувьтай байна. Мөн уг газрыг цагдаагийн хамгаалалтад авчээ.
Урт цагааны барилгыг нураах ажлын Улаанбаатар хотын ерөнхий менежер Ц.Төрхүү хэлэхдээ, " 2020 онд Нийслэлийн Засаг даргын “Урт цагаан” худалдаа, үйлчилгээний төвийн үйл ажиллагааг зогсоох тухай захирамж гарснаас хойш эдгээр иргэн, аж ахуйн нэгжтэй түрээсийн гэрээ байгуулаагүй ч үйл ажиллагаагаа явуулсаар байсан. Нийт зургаан удаа албан мэдэгдэл өгсөн. Хүйтний улиралд барилгыг буулгаж, дулааны улирал эхлэнгүүт цэцэрлэгт хүрээлэн байгуулна. Зураг төсөл боловсруулж байгаа. Ямар нэгэн байдлаар барилга барихгүй" гэжээ.
