Улсын нийгмийн даатгалын ерөнхий газрын дарга асан Ц.Сүхбаатар МАХН /одоогийн МАН/-аас 2004-2008 оны УИХ-ын сонгуульд нэр дэвшиж, УИХ-д сууж байсан билээ.
Түүнийг ийн төрийн жолоог залалцаж явах хугацаанд түүний УНДЕГ-ын даргаар ажиллаж байхдаа тухайн үеийн Санхүү, төлөвлөлтийн хэлтсийн дарга болон бусад хүмүүстэй бүлэглэн 2,6 тэрбум орчим төгрөгийн хэрэгт холбогдуулан АТГ-т шалгах болсон талаархи мэдээлэл дэгдэж, түүний УИХ-ын бүрэн эрхийг түдгэлзүүлэх саналыг УЕП-оос УИХ-ын даргад хүргүүлж байсан.
Дээрх хэргийн шүүх хурал өнгөрсөн оны арваннэгдүгээр сард болж, түүнийг дээрх гэмт хэрэгт буруутай гэж үзсэн ч хэргийн хөөн хэлэлцэх хугацаа дуусгавар болсон тул дээрх хэргийг хэрэгсэхгүй болгосон шийдвэрийг Баянгол дүүргээс гаргасан.
Анхан шатны шүүхийн гаргасан дээрх шийдвэрийг дээрх хэрэгт хяналт тавьж буй прокурор эсэргүүцэл бичсэн байна.