Тахрирын хувьсгал өрнөсөн цагаас хойш үймээн самуун, жагсаал цуглаан Египет улсад тасрахаа больжээ. Өнгөрсөн өдрүүдэд тус улсад христийн шашинт иргэд болон засгийн газрын цэргүүдийн хооронд гарсан мөргөлдөөний улмаас 24 хүн амиа алдаад байгаа юм. Египетийн Ерөнхий сайд Ессам аль Шараф шашин хоорондын мөргөлдөөнд ихээхэн сэтгэл зовниж буйгаа телевизээр хэлсэн үгэндээ дурдсан байна. Мөн тус улсын нийслэл Каир хотноо онц байдал зарлаж хөл хорио тогтоосон байна.
Христ шүтлэгт 10 мянга орчим иргэд Египетийн төв телевизийн дэргэд эсэргүүцлийн жагсаал хийсэн ба энэ нь хууль сахиулагчидтай мөргөлдөж эхэлснээр ийнхүү байдал хурцадсан байна. Хуягт бүхий цэргүүд жагсагчид руу дайран орж гал нээж буй бичлэгийг youtube сайтад тавьсан байдал ямар байгааг бодитоор харуулжээ. Тахрирын хувьсгалаас хойш өрнөсөн үймээн самуун, жагсаал цуглаанаас энэ удаагийн мөргөлдөөн шашин хоорондын зөрчил тус улсад айдас хүйдэс үүсгээд байна.
Youtube-д тавигдсан бичлэгийг үзнэ үү.