1990-ээд оны сүүлээр Бөхийн хорхойтнуудыг суудал дээр нь өндөлзүүлсэн хурц барилдаантай залуу бөх гарч ирсэн нь ирээдүйн Даян аварга А.Сүхбат байв. Түүнийг Монгол бөхийн зүлэг ногоон дэвжээн дээр ирснээс хойш үзэгчдийн суудал битүүрч, чухам л Монгол бөхийн өргөөг нураах шахам хашгирч, алгаа хорстол ташдаг байсан цаг саяхан. Гэвч уран мэх, хурд, хүчтэй залуу бөх А.Сүхбат хэдхэн жил барилдаад л Даян аварга цол хүртсэн нь түүний хурд хүчний үр дүн төдийгүй багш аавынх нь ч нөлөө байв. Гэвч ид барилдах насан дээрээ зодог тайлж зүлэг ногоон дэвжээгээ орхисон тэрээр бизнесийн салбарт хүч үзэхээр шийдэж “Олимп” сургуулиа нээсэн нь өдгөө амжилтад хүрсэн гэж болно. Сүүлд байгуулагдсан хувийн сургууль бүү хэл 10-аад жилийн өмнө байгуулагдсан сургуулиуд ч элсэлт авч чадахгүй дампуурлын ирмэг дээр байгаа. Харин Даян аваргын сургууль бүхэн нөөц чадлаараа ажиллах хэмжээний оюутнуудыг элсүүлж чаджээ. Мөн Солонгосчуудтай хамтран сөжү архины үйлдвэр байгуулахаар нэг хэсэг их л сүр дулиан болж байсан хэдий ч төд удалгүй чимээ намжсан билээ. Тэрээр "Ноёд" группын Г.Буяндоржийн эзэмшлийн "Даймонтрейд" хэмээх архи, спиртийн үйлдвэрийг худалдан авч энэ суурин дээр сөжү архины үйлдвэрийг байгуулахаар төлөвлөж байсан юм. Харин өдөөрийн байдлаар Даян аварга А.Сүхбат сургуулийнхаа ажилд анхаарахын зэрэгцээ өөрийн гарын шавь нараа дасгалжуулж буй. Гэвч аваргын ар гэрийн байдал нэг л тиймэрхүү. Анхны гэргий Б.Баясгалангаас салсан нь аль эртнийх бөгөөд гэр бүлийнхээ талаар ганц ч үг унагадаггүй Б.Баясгалан хатагтай ам чангатай нэгэн. Харин тэдний харьцааны тахлаар хашир аварга Х.Баянмөнх бас л сул үг унагаагүй бол Баянаа аваргын хүү Б.Гантогтох гарьд эр хүний тэдний үнэн байдлыг илчилсэн часхийсэн үг хэлж байсныг уншигчид мартаагүй байх. Харин А.Сүхбат аваргын хувьд хувийн амьдралынхаа талаар тэр болгон дэлгээд байдаггүй ч аваргын хувийн амьдрал “нууцлалаа” амархан алддаг гэхэд хилсдэхгүй. А.Сүхбат аваргын анхны гэргий Б.Баясгалан А.Сүхбатыг анх “Аварга” дээд сургуульд сурч эхлэх үеэс нь л Цагийг эзэлсэн Дархан аварга Х.Баянмөнх “эргүүлж” хүргэнээ болгоход “чухал нөлөө” үзүүлжээ. Тухайн үед Х.Баянмөнх аваргын охин Баясгалан “Аварга” сургуульд багшилдаг байсан гэдэг. Үүнээс гадна Х.Баянмөнх аваргын хүү Б.Гантогтохтой найзууд учраас аваргын гэрээр нь орж гарсаар Баясгалантай ойр дотно танилцжээ. А.Сүхбат аварга Б.Баясгалан нар гурван хүүхэдтэй. Бага хүүхэд нь нь өдгөө 14 настай гэхээр аваргын хүүхдүүд удахгүй эрийн цээнд хүрч айл гэрийн эзэн, ноён нуруу болох нь гарцаагүй. Аваргын удаах эхнэр Содоо А.Сүхбат аварга Х.Баянмөнх аваргын охин, анхны гэргий Б.Баясгалангаас салсныхаа дараахан МУГЖ, дуучин Т.Ариунаагийн тогооч байсан Содоо гэх бүсгүйтэй амьдрах болсон. Аваргын нүдэнд торсон Содоо бүсгүй Баянхонгор аймгийн Аюуш хэмээх хүчит арслангийн ач охин гэдэг. Содоо бүсгүй нуруу туруу, царай зүсээрээ хэнийг ч дагуулахааргүй нэгэн. Эрүүл, цагаан хооллолтоос эхлээд аваргын амьдралын хэвшлийг орвонгоор нь өөрчилж чадсан ч сэтгэлийг нь өөричлж чадаагүй аж. Содоо бүсгүй Даян аваргад хоёр хүү төрүүлж өгсөн боловч аваргыг хажуудаа “аргамжиж” чадаагүй ч аваргын анхны гэргий Баясгалантай дотносож амжсан сэргэлэн бүсгүй. Тийм ч учраас хоёр дахь хүүгээ төрүүлэхэд нь Даян аваргын анхны гэргий Баясгалан эргэж очсон гэдэг. Аваргын шинэхэн гэргий Гармаа Харин энэ удаа Даян аварга маань 18 настай оюутан бүсгүйг ээлжит амрагаараа сонгожээ. Тэрээр Хүмүүнлэгийн Ухааны Их Сургуульд сэтгүүлч мэргэжлээр суралцдаг Н.Гарамханд гэх бүсгүйтэй дотносож Гармаа бүсгүй ч аваргын хүүхдийг төрүүлэхээр зэхэж байгаа гэх. Даян аварга маань бүсгүйнхээ гэр бүлийнхэнтэй танилцаж амжсан төдийгүй шинэхэн хадам аав, нялх амраг хоёртоо яг адилхан маркийн машиныг хослуулан авч өгсөн гэдэг. Н.Гарамханд бүсгүй сурахаас гадна “Тайхар” фитнесс клубийн аэробикийн багшаар ажиллаж олон танилуудтай болсон нь аваргатай танилцах суурь нь болсон гэдэг.