Сонгуулийн ерөнхий хороо сонгуулийн санал авах, тоолох, сонгуулийн дүнг нэгтгэн хадгалах, дамжуулах, баримтжуулах ажиллагааг нэг зэрэг гүйцэтгэх техникийн боломж бүхий сонгуулийн зориулалттай, АНУ-ын “Dominion voting systems” компанийн “Image Cast” загварын төхөөрөмжийг УИХ-ын сонгуульд ашиглахаар гэрээ байгуулсан билээ. СЕХ-ноос сонгуульд ашиглах үүднээс 2500 машин захиалсан бөгөөд нэг бүр нь 3200 ам.долларын үнэтэй аж. Энэхүү санал хураах төхөөрөмжийг ирэх дөрөвдүгээр сарын 4-нд Монгол Улсын Ерөнхийлөгчийн дэргэдэх “Иргэний танхим”-д мэдээлэл технологийн мэргэжилтнүүдэд танилцуулахаар төлөвлөжээ. Танилцуулгаар төхөөрөмжид суурилуулсан програмчлалын аюулгүй байдал болон нууцлал зэргийг танилцуулах юм байна. С.Жигүүр