Монгол Улсын Ерөнхийлөгч  2010 онд жил бүрийн 5, 10 дугаар сарын хоёр дахь долоо хоногийн бямба гаригийг бүх нийтээр “Мод тарих үндэсний өдөр” болгох зарлиг буулгасан билээ.  Энэ хүрээнд маргааш буюу 10-р сарын 15-нд Хан-Уул дүүргийн Засаг даргын Тамгын газар “Мод тарих үндэсний өдөр”-ийн нээлтээ дүүргийн бэлэг тэмдэг болох “Ажилчны алдар” талбайд 12 цагт хийнэ. Хан-Уул дүүргийн Засаг даргын Тамгын газрын алба хаагчид 32 мод, хороо, сургууль, цэцэрлэг нийт 16480  мод, бут, сөөг тарина. Мөн энэ сарын 16-нд Монгол бөхийн өргөөнд 14 цагаас “Богдхан хайрханы хишиг барилдаан”  болно.  Уг барилдааныг Хан-Уул дүүргийн Засаг даргын Тамгын газар болон АПУ хувьцаат компани, Монголын Үндэсний бөхийн холбоо хамтран зохион байгуулж буй энэхүү барилдаанд нийт 256 бөх зодоглоно.