Умард Солонгост 15-нд аугаа удирдагч Ким Ир Сений мэндэлсний 100 жилийн ой тохиолоо. Нийслэл Пхеньян хотноо тухайн өдрийн үдээс өмнө цэргийн парад зохион байгуулж, шинэ удирдагч Ким Чен Ун баярын ажиллагааг нээсэн байна. Түүхэнд хамгийн том парад болно хэмээн таамаглаж байсан бөгөөд “хиймэл дагуул” хэмээн нэрлэсэн алсын зайн тусгалтай пуужин нь бүтэлгүйтсэнээр засаглалын эрхээ сэвтүүлсэн Ким Чен Ун нэр хүндээ сэргээхээр хичээнэ хэмээв. Умард Солонгос 15-ны өдрийг хүчирхэг төрийн байгууламжид чиглэсэн хамгийн чухал үе гэсэн байр суурьтай хандаж ирсэн. Пхеньянд Ким Ир Сений төрсөн өдөрт зориулж “нар” хэмээн бичсэн зурагт хуудас, самбарыг өлгөсөн баярын уур амьсгал бүрдсэн байв. Ким Ир Сен болон Ким Чен Ирийн хүрэл хөшөөнд 14-нөөс эхлэн олон мянган ард иргэд хүндэтгэл үзүүлэн цэцэг өргөжээ. Умардын цэргийн парад нь Ким Чен Ирийн 70 насны ой  тохиосон 2 сарын 16-наас хойш болж байгаа юм. Ким Чен Ун өнөөг хүртэл өөрийн дуу хоолойгоороо ард түмэндээ хандан үг хэлж байгаагүй бөгөөд энэ удаад ч мөн тэгсэнгүй. 15-ны өдрийн парадаас хойших Ким Чен Уны цаашдын байр суурь, Умардын хандлага нь олон улсын сонирхлыг татаж байна. Т.Од