Нийслэлийн Засаг даргын санаачлагаар “Элэгний эмгэгийн тулгамдсан асуудлууд” сэдэвт олон улсын онол практикийн II бага хурал манай улсад зохиогдлоо.  Энэ хурлыг Эрүүл мэндийн яам болон Сингапур улсын Элэг шилжүүлэн суулгах Азийн төвтэй хамтран зохион байгуулсан юм. Нийслэлийн Засаг дарга бөгөөд Улаанбаатар хотын захирагч Г.Мөнхбаяр Сингапурын Элэг шилжүүлэн суулгах Азийн төвийн захирал, эрдэмтэн профессор К.С.Тан, Ли Кан Хо, Керинсет Кумар Шори нарыг эх орондоо урьж авчирсан. Элэг шилжүүлэн суулгах мэс ажилбараар нэрд гарсан эдгээр эрдэмтэд мөн элэгний чиглэлээр ажилладаг манай эмч мэргэжилтнүүд Элэгний эмгэгийн тулгамдсан асуудлаар зөвлөлдсөн юм. Сингапур улсын эмч нар жилд гурван удаа манай улсад ирж,  үнэ төлбөргүй оношлогоо эмчилгээ үзүүлэхийн зэрэгцээ мэдлэг, туршлагаасаа хуваалцаж байх аж.