Хэдхэн хоногийн өмнө Монголд сүр дуулиантайгаар айлчилсан Германы Канцлер хатагтай Ангела Меркелийг УИХ-ын гишүүн Л.Гүндалай үнссэн тухай мэдээлэл одоо ч хуучраагүй байна. Германд боловсрол эзэмшиж бас бизнесийнхээ гарааг эхэлсэн Л.Гүндалайг ангийнх нь нөхдүүд “Чи Германд төгссөн л гээд байдаг. Чаддаг юм бол Ангела Меркелийг үнсчих” хэмээн шорджээ. Мань эр ч шарандаа “Төмөр хатагтай”-г үнсэхээр “замд гарч” Ангела Меркелийг индрээс бууж, танхимаас гарч явах мөчид үнсэж амжжээ.
Хэзээний хээгүй бас сэргэлэн нь дэндсэн тэрээр ХБНГУ-ын Канцлер хатагтай руу дөхөж очоод шууд л учраа хэлэхэд Канцлер хатагтай ч зөвшөөрчээ. Ийнхүү хэлтэй бол хөлтэй гэгчийн ид шидийг үзүүлсэн Л.Гүндалай гишүүн ангийнхаа нөхдүүдийн амыг таглаж дөнгөжээ.