“ICE TOP” хамтлагийн гишүүн  н.Бат-Отгон хүний амь нас хохироосон хэргийг Шведийн шүүхэд энэ сарын сүүлээр хэлэлцэхээр товлосон. Уг хурал товлогдсон өдөртөө болсон эсэхийг ГХЯ-ны Олон нийттэй харилцах хэлтсээс лавлахад “Бат-Отгонтой холбоот ой мэдээлэл ирээгүй” гэсэн мэдээлэл өглөө. Хэргийн талаар нэхэн сануулахад Шведийн нийслэл Стокгольм хотын баруун хэсэгт байрлах Дэли-Хэссэлби дүүрэгт “ICE TOP” хамтлагийн гишүүн 29 настай залуу тус улсын иргэн 18 настай хүүг хутгалж амь насыг нь хөнөөсөн хэрэгт сэжигтнээр татагдан хоригдсон юм. Хохирогч залуу нь хөл бөмбөгийн багт хаалгачаар тоглодог хар арьст залуу байсан бөгөөд тэд гудамжинд сагс тоглож байсан аж.Энэ үед хамт сагс тоглож байсан Араб залуучууд бөөнөөрөө дээрэлхэн зодож яс үндсээр нь доромжилжээ. Улмаар Араб залуучууд н. Бат-Отгоныг зодохоор дайрахад нь хоёр залууг нь хутгалсан байна. Хутгалуулсан залуус эмнэлэгт хүргэгдсэн боловч 18 настай Ребел  Шариф шархаа даалгүй нас барж н. Бат-Отгон баривчлагдсан билээ.