Нийслэлийн Баянзүрх дүүрэгт 20 настай охины амийг  хөнөөж, цогцсыг нь шатаасан  ноцтой хэрэг гарсан. Хэргийн яллагдагчаар 16 настай Г, У нар татагдсан бөгөөд шүүгч сэжигтнүүдийн хэрэгтэй танилцах хугацаа өнөөдрөөр дуусгавар болж байгаа юм байна. Уг хэрэг өнгөрөгч зургадугаар сард үйлдэгдсэн бөгөөд Г, У нар мөрдөн байцаалтын явцад машин унаж зугаалах гэж уг хэргийг үйлдсэн гэдгээ хүлээн зөвшөөрсөн билээ. Эдгээр хүүхдүүдэд эрүүгийн хуулийн 91.2.1, 91.2.7, 91.2.11-т зааснаар буюу  шунахай сэдэлтээр, уулгалан довтлох,  дээрэмдэх замаар, урьдчилан үгсэн тохиролцож, зохион байгуулалттайгаар  хүний амь хөнөөсөн, 153.2-т зааснаар буюу  бусдын эд хөрөнгийг гэмтээсэн, энэ гэмт хэргийг галдан шатаах буюу нийтэд аюултай бусад аргаар үйлдсэн,  энэ хэргийн улмаас хүний амь нас хохирсон гэх үндэслэлээр буруутгаж байгаа юм.