Улсын Дээд шүүхийн өчигдрийн хуралдаанаар шүүгчдэгч С.Нэргүйд хоёр шатны шүүхээс оноосон цаазын ялыг хэлэлцээд нэмэлт мөрдөн байцаалтад буцаалаа. Тэрбээр өөр гэмт хэргийг нуун далдлах зорилгоор, нэг хүний амь насыг санаатай бүрэлгэж, нөгөөг нь хөнөөхийг завдсан хэрэг үйлджээ. Түүнд Баянзүрх дүүргийн шүүхээс өнгөрсөн зургадугаар сард ялын дээд хэмжээ оноож, Нийслэлийн шүүх уг ялыг нь хэвээр баталсан байна. Тэгвэл дээд Шүүхээс уг хэргийг хоёр шатны шүүх хэлэлцэхдээ мөрдөн байцаалтын ажиллагаа дутуу хийсэн учраас дахин шалгах шаардлагатай гэсэн шийдвэр гаргасан юм.