34 дэхь “Дакар ралли”  уралдааны мотоциклийн  төрлийн 12 дахь гараа  Аргентины ФИАМБАЛА  – Чилийн КОПИАПО - гийн  хооронд 319  км замд боллоо. Энэ гарааны ялагчаар Голландын  Ф.Верховен  (3:49:15) тодорсон бол удаахи байруудад Португалийн Р.Фариа  (3:50:53), Испаний  Борт Барреда (3:52:16)  тус тус оржээ. 174 дугаартай Yamaha  мотоциклиэр уралдаж буй ОУХМ  Н.Лхамаа  өмнөх 11 дэхь гарааны CP 2 буюу Чек поинт 2 дээр 118 – аар цаг нь бүртгэгдэн орж ирсэн ч барианд орж чадаагүй байна. Албан бус мэдээгээр техникийн саатлаас болж тэмцээнийг цааш үргэлжлүүлэх боломжгүй болжээ. Гэсэн хэдий ч энэхүү нэр хүндтэй, эр хүний зориг, тэвчээр шалгасан уралдаанд анх удаа оролцон 11 гараанд уралдаж чамлахааргүй амжилтыг үзүүллээ. Э.Төр