Ардчилсан намын ҮЗХ-ны хурал өнөөдөр 15.00 цагт Төрийн ордны их танхимд товлогдсон боловч хараахан эхлээгүй байна. Тус хуралдаанаар  орон нутгийн сонгуульд Ардчилсан намаас сонгогдсон аймаг, дүүргийн Засаг дарга нар болон ИТХ-ын төлөөлөгчдөд баяр хүргэж талархал илэрхийлэх аж.

Түүнчлэн Ардчилсан намын ерөнхий нарийн бичгийн дарга Д.Эрдэнэбат УИХ-ын гишүүн болсноор генсекийн ажлаас чөлөөлөгдөж, Ц.Оюундарь ерөнхий нарийн бичгийн даргын үүрэг гүйцэтгэгчээр ажиллаж байгаа билээ.

 Тиймээс ҮЗХ-ны өнөөдрийн хуралдаанаар ерөнхий нарийн бичгийн даргын үүрэг гүйцэтгэгчийг жинхэлж, Ц.Оюундарийг энэ албан тушаалд батламжлах юм байна.