2014 онд  Сочи хотод  болох өвлийн олимпийн наадмын хамгийн үнэтэй тасалбар нь 40 мянга, харин хамгийн хямд нь 1 мянган рубль байна гэж “Известия” сонинд бичжээ. Учрыг мэдэх хүний хэлснээр, Орос улс наадмын тасалбарын худалдаанаас 6 тэрбум гаруй рубль олж болох ажээ. Хоккей, уран гулгалтын тэмцээн хамгийн үнэтэй байхаар байна. Хоккейчдын шувтаргын тэмцээн үзэхийг хүсч байгаа үзэгчид 7-40 мянга хүртэл рубль төлөх хэрэгтэй  болж байна.  Харин уран гулгалтын тэмцээнийг 1,5-23 мянга хүртэл рублиэр үзнэ. Сочийн олимпийн наадам хоёрдугаар сарын 7-23-нд болох юм. С.Золбоо