Газрын теннисний  “Их дуулга” – ын энэ оны анхны тэмцээн  “Australian Open” – ний хагас шигшээд өрсөл дөх теннисчид тодорсоор байна. Энэ жилийн тэмцээний шагналын сан өнгөрсөн жилийнхээс нэмэгдсэн бөгөөд нийт 30 сая австрали доллар болжээ. Ганцаарчилсан төрөлд түрүүлэхэд 2 430 000 австрали $, дэд байрт орвол 1 215 000  австрали $ - ын шагнал хүртэнэ. Эмэгтэй ганцаарчилсан төрөлд шөвгийн 8 – д тус тэмцээний №2 теннисчин, ОХУ – ын М.Шарапова н утаг нэгт Елена Макароватай тоглож 6:2, 6:2 – оор хожиж, “Australian Open” – ний хагас шигшээд 6 дахь удаагаа шалгаран үлдлээ. Дэлхийн № 1 Белорусийн Виктория Азаренко – ОХУ – ын Светлана Кузнецоваг 7:5,6:1 ээр хожсон бол  Хятадын Ли На – Польшийн А.Радванскаг 7:5, 6:3 аар хожин хагас шигшээд шалгарлаа. Хагас шигшээн сүүлийн эрхийн төлөө АНУ – ын Серена Уилъямс нутаг нэгт Слоан Стефенстэй тоглож 6:3, 5:7, 4:6 – аар хожигдлоо. Энэ жил 19 настай АНУ – ын бүсгүй Слоан Стефенс мэргэжлийн теннисний ертөнцөд ийнхүү өөрийгөө нээн харуулж чадлаа.   Хагас шигшээн эхний тоглолт Дэлхийн №1 Белорусийн Виктория Азаренко энэ тэмцээний нээлтээр тодорсон АНУ – ын Слоан Стефенс нарын хооронд болох бол манай хойд болон өмнөд хөршийн бүсгүйчүүд хоорондоо  таарчээ. Б.Оргил