Форбс сэтгүүлээс энэ жилийн тэрбумтнуудыг нэрлэсэн бөгөөд энэ жагсаалтад анх удаа Африк эмэгтэй нэрлэгджээ. Изабель Дос Сантос хэмээх энэ эмэгтэй Анголын ерөнхийлөгчийн том охин юм. Изабель өдгөө 40 настай. Тэрээр Португалд телевизийн сувгийн эзэн бөгөөд түүний зэрэгцээ хэд хэдэн том компаниудын хувь эзэмшдэг аж. Мөн Анголын банкнаас гаргасан баячуудын жагсаалтад нэлээд  дээгүүрт бичигджээ. Изабель өөрийн хөрөнгийн эх үүсвэрээ Майами дахь жижиг кафегаас эхлэлтэй хэмээн сэтгүүлд ярьсан байна. Гэхдээ тэрбээр өөрийн бизнесийн амжилтаа тэр бүр дэлгээд байдаггүй нэгэн гэнэ. Ангол улсын хувьд хүн амд ногдох өдрийн орлого нь ердөө хоёр доллар байдаг нь газрын тосны баялаг ихтэй тэрхүү улсад байж боломгүй тэгш бус байдал  юм. Ангол нь 27 жил иргэний дайнтай байгаа бөгөөд улс төр болоод нийгмийн тогтвортой бус байдал  давамгайлсан улс. Харин 2002 оноос тусгаар тогтнолоо олж Африкийн улсуудын тоонд багтах болсон бөгөөд тэр цагаас эхлэн газрын тосоо ашиглан хөлжиж эхэлж байгаа юм. Э.Мөнхнасан