Америкийн армид арван жил алба хаах  хугацаандаа дайсныхаа 160-аас цөөнгүй хүнийг устгасан домогт мэргэн бууч Крис Кайлыг Иракийн дайны нэг ахмад дайчин Техас муж улсад буудан алсан байна.  Ассошэйтед пресс агентлаг энэ талаар мэдээлжээ. Кайл болон түүний найз Чед Литтфилд хоёр  бямба гаригт Форт-Уэрт хотоос холгүй орших буудлагын талбайд  алагдсаныг эндхийн цагдаагийн байгууллагаас мэдээлсэн байна. Ланкастер хотын 25 настай оршин суугч Раут гэгчийг гэмт хэрэг үйлдсэн байж магадгүй хэмээн сэжиглэн, хэдхэн цагийн дараа  баривчилжээ. Түүний гэрт нэгжлэг хийхэд  гэмт  хэрэг үйлдэхдээ хэрэглэсэн байж болох хагас автомат гар буу  гарсан байна. Цагдаагийн газрын мэдээлснээр, Раут тодорхой бус шалтгаанаар буудлагын талбайд танил хүмүүсээсээ буудан алж, Кайпын пикапаар хэргийн газраас явжээ. Гэмт хэрэг үйлдсэн шалтгааныг тогтоохоор ажиллаж байна. Цагдаагийн газрын даргын хэлснээр, 2006-2010 онд тэнгисийн явган цэрэгт алба хааж, Ирак, Гаитид очиж байсан Раут сүүлийн үед ажилгүй болжээ. Цагдаагийн хэлснээр, тэр залуу “сэтгэцийн өвчинтэй” байсан байж болох аж. Кайл тэнгисийн явган цэргийн ангийн бүрэлдэхүүн 10 жил алба хаахдаа Иракт дөрвөн удаа очиж, албан ёсны мэдээгээр 160 можахедыг устгасан байна. Тэд мэргэн буучийг “Чөтгөр” хэмээн нэрлэж, түүнийг алсан хүнд 20 мянган доллар өгөхөөр амлаж байжээ. Сүүлийн жилүүдэд Кайл Иракийн дайнд бэртэж шархадсан хүмүүсийг бэлтгэл сургуулилтын тоног төхөөрөмжөөр хангадаг арилжааны бус байгууллагад ажиллаж байсан байна. Чөлөөнд гарсан 38 настай мэргэн буучийн эхнэр, хоёр хүүхэд нь өнчрөн үлджээ. С.Золбоо