Улс төрчид болон томоохон компанийн захирлуудыг дарамталж шүүхээс ял сонсч байсан эрүүгийн хүнд гэмт хэрэгтнүүдийн нэг Сэлэнгийн хочит У.Баатаржав хорихоос суллагдаад удаагүй.

Тэгвэл түүнийг хотын төвийн А зэрэглэлийн бүсэд байрлалтай томоохон талбай бүхий газрыг хуурам бичиг баримт бүрдүүлэн төрийн хэд хэдэн албан тушаалтантай нийлж авсан хэрэгт татагдан "Цагдан хорих" төвд  саатуулагдсан гэх эх сурвалжийн мэдээлэл ирлээ.

Түүгээр ч барахгүй  У.Баатаржав нь хууль бусаар олж авсан газраа чөлөөлүүлэхээр иргэд рүү буу гаргаж танхайрсан  гэж хэлэх хүн ч байна.  Өмнө нь буюу 2002 онд  “Центрпойнт”-ын гэх дуулиант хэрэгт холбогдсон эрүүгийн ертөнцийн “томчууд”-ын нэг болох У.Баатаржав нь зургаан жилийн хорих ялаар шийтгүүлж хоригдож байгаад хугацаанаасаа өмнө суллагдсан юм.