Хар тамхи худалдахыг завдсан хэрэгт холбогдсон улсын начин Ц.Улаанхүүд холбогдох хэргийг анхан болон давж заалдах шатны шүүх хэлэлцэж  чанга дэглэмтэй хорих ангид 11 жил хорих ялыг оноосон билээ. Шүүхийн шийдвэрийг шүүгдэгч болон ар гэрийнхэн, өмгөөлөгчид нь эсэргүүцэж, Дээд шүүхэд гомдлоо гаргасан байна. Түүнд Эрүүгийн хуулийн 192 дугаар зүйлийн 3.2 буюу сэтгэцэд нөлөөлөх эм, бэлдмэл, бодисыг борлуулах зорилгоор хууль бусаар бэлтгэсэн, олж авсан, хадгалсан, тээвэрлэсэн, илгээсэн, борлуулсан гэсэн зүйлчлэлээр эрүүгийн хэрэг үүсгэсэн юм.