Цагаан сарын шинийн нэгний өглөө Төрийн гурван өндөрлөг өндөр насыг зооглосон есөн ахмадыг хүлээн авч хүндэтгэн золгодог. Энэ жил уламжлал ёсоор Монгол Улсын Ерөнхийлөгч, Ерөнхий сайд, УИХ-ын дарга "Тийн ялгуусан" хэмээх Усан могой жилийнхээ Төрийн золголтыг хийж дараагаар нь ахмад настнуудыг хүндэтгэн хүлээн авч  золголоо. Энэ үеэр Ерөнхийлөгч ард түмэндээ хандан: " Тийн ялгуусан хэмээх Усан могой жилдээ энх мэнд, элбэг дэлбэг байхыг хүсэн ерөөж.  Өтгөсыг  нялхас мэт асарч  тэтгэн, нялхасыг өтгөс мэт хүндлэн үзэхийг хүсэе" хэмээн ерөөлөө.