Нийслэлийн Сонгинохайрхан дүүргийн 18 дугаар хороо, 31 дүгээр байранд оршин суугч Д.Түмэнжаргал гэгч өнгөрсөн оны арванхоёрдугаар сарын 04-нөөс 05-нд шилжих шөнө өөрийн дагавар хүүхэд болох долоон настай Э-г зодсон хэрэг гарсан. Түүнд холбогдох хэргийг нийслэлийн Сонгинохайрхан дүүргийн цагдаагийн хэлтсээс шалгаж дуусаад яллах дүгнэлт үйлдүүлэхээр харьяа дүүргийн прокурорын газарт шилжүүлжээ. Тус дүүргийн прокурорын газраас түүнд хүүхдийг үл ялих зүйлээр шалтаглан зодож, танхайрч биед нь гэмтэл учруулсан гэсэн үндэслэлээр яллах дүгнэлт үйлдэж шүүхэд шилжүүлэхээр шийвэрлэсэн юм байна. Шүүхээс түүний гэм буруутайг тогтоовол 5-8 жилийн ял ногдуулах юм. Дашрамд дурьдахад шүүх эмнэлгийн дүгнэлтээр долоон настай Э хүү толгой, гар, нүүр, нуруу, дал, хөлөндөө гэмтэл авсан болох нь тогтоогджээ. Д.Цэцэг