МАН- ынхан дотроо бужигнаж байна.   УИХ-ын болон нийслэлийн сонгуулиар нам нь ялагдаж, орон нутгийн сонгуулиар ч амжилт тааруухан байлаа. Олон жил  засгийн эрх барьж байсан хүчин, эрх мэдэлтнүүд   өвдөг шороодохоор  "шоконд" орж, гишүүд нь ч   лааз өшиглөхийн зовлонг мэдэрч байх шиг байна. Хэлтсийн даргаас дээш албан тушаалтай нөхдүүдэд  Ардчилсан намаас шахалт үзүүлж, өөрөөр нь өргөдлийг өгүүлж эсвэл тулгаж ажлаас нь чөлөөлсөөр МАН-ын угшилтай дарга нарын ихэнх нь ажилгүй болцгоогоод байгаа. Энэ байдал нь олон эрхэмүүдийг тэмцэхэд, улс төрийн үйл ажиллагаагаа идэвхитэй явуулахад нөлөөлж буй заа. Сүүлийн үед МАН-аас жигүүр, холбоод "мэндэлж", шинэчлэл гэсэн үг олонтаа сонстох болов. Намын  26 дугаар их хурлыг шинэчлэлийн бус, Сү.Батболдыг Ө.Энхтүвшингээр, У.Хүрэлсүхийг Г.Занданшатараар сольсноос өөр өөрчлөлт ороогүй гэж шүүмжлэгсэд ч олширчээ. Цөөн хэдэн хүнийг  нөгөөгөөр сольсноор шинэчлэл болчихгүй. Тиймээс бодлогын, үйл ажиллагааны хувьд цар хүрээтэй шинэчлэлийг хийх талаар ярьцгаах болжээ. Намын дүрэм, бодлогын баримт бичигтээ"салхи" оруулахаас гадна намын дэргэдэх  эмэгтэйчүүдийн, залуучуудын байгууллагынхаа ч дүр төрхийг өөрчлөхийг шаардах болов. МАН-ын залуус ч "амь оров". Тэд удирдлагын арга барил хоцрогдсныг онцолж байна. УИХ-ын сонгуулиар Ард түмнээ сонсоё хэмээх аян хийгээд, ард түмнээсээ асуугаад байсан атлаа ч ялагдсан. Гэтэл Ерөнхийлөгчийн сонгуульд бас нэр дэвшигчээ ард түмнээсээ асууж байж,  сонгох юм гэнэ, үр дүн тааруу гэдгийг бодиттойгоор батлаад өгчихөөд байхад хуучнаа давтсаар хэмээн тус намын залуу гишүүд дурамжхан байна.Мөн МАН, МАХН-тай нэгдэхийг ч залуучууд нь дэмжихгүй байгаа аж. Гэвч  МАН, МАХН нэгдэх асуудал нэлээд  хүч орох төлөвтэй байна. Учир нь гурав хоногийн өмнө МАН, МАХН-ын Ахмадын байгууллага нь хамтран хуралдаж, угшил нэгтэй намаа нэгтгэж, хүчээ тарамдуулахаа больцгооё гэж тохирсон гэнэ.  Маргааш нь УИХ-ын гишүүн асан, Батлан хамгаалахын сайдаар ажиллаж байсан, хуульч Ц.Шаравдорж  намынхаа дарга Ө.Энхтүвшин, Г.Занданшатар нарт хаягласан ил захидал илгээв. Алдаагаа залруулж, нэгдэх үйл ажиллагаагаа эхлүүлэхийг  уриалсан байх жишээтэй. Ц.Шаравдоржийг ил захидал илгээснээс нэг хоногийн дараа МАН-ын зарим гишүүд МАН-ыг шинэчлэх эв нэгдлийн хороо байгуулснаа албан ёсоор зарлаж хэвлэлийн хурал хийв. Энэ хороонд МАН-ын Удирдах зөвлөлийн гишүүн Р.Раш нэгджээ. Түүнээс гадна УИХ-ын гишүүн асан Д.Загджав,  Чингэлтэй дүүргийн засаг даргын суудалд хэдэн сар суугаад буусан, шинэчлэл хэмээн яриад гүйгээд байгаа Т.Аюурсайхан болон  МАН-ын Бага хурлын гишүүд ч оржээ. Тэд эв нэгдлийн хороо байгуулж, намын 27 дугаар их хурлаа хийхийг шаардаж, намын жагсаалтаар УИХ-ын гишүүн болсон атлаа хариуцлагагүй ажиллаж байгаа гишүүдийг эргүүлэн татах хүртэл арга хэмжээ авах санал ч гаргаатахав. Үргэлжлэлийг энд дарж уншина уу.