Замын цагдаагийн газраас “Согтуу” нэгдсэн арга хэмжээг нийслэлийн бүх дүүргүүдэд зохион байгуулж байна. Хоёр өдөр үргэлжлэх энэхүү арга хэмжээний үеэр зам тээврийн осол, гэмтлээс сэргийлэх зорилгоор нийслэлийн ойр болон алслагдсан дүүрэгт цагдаагийн албаныхан бүрэн бүрэлдэхүүнээрээ хяналт тавин ажиллахаар болсон байна. Учир нь аливаа тэмдэглэлт, баяр ёслолын үеэр иргэд согтуугаар замын хөдөлгөөнд оролцож, өөрийн болон бусдын эрүүл мэнд, эд хөрөнгөд хохирол учруулдаг. Тиймээс зам тээврийн осол, гэмтлээс сэргийлж, хараа хяналтыг сайжруулах зорилгоор энэхүү арга хэмжээг зохион байгуулж байгаа аж. П.Наран