ХХI зуун гарсаар дэлхий нийт Хятадын хүчирхэгжилт Хятадын аюулын талаар ярьж бичих болсон. Үнэхээр ч Хятадын эдийн засгийн эрчмтэй хөгжилт, батлан хамгаалах салбарынх нь давшингуй тэсрэлт нь бүхнийг гайхуулаад байгаа билээ. Хятадын жил бүрийн батлан хамгаалах салбарын өсөлт нь байнгын хардлага төрүүлж байдаг нь нууц биш. Асуудлыг хүчээр шийдэх магадлал Хятадын талаас үе үе цухалздаг нь өөрсдийгөө хэр хэмжээнд хүрсэнээ мэдсэн үйл ажиллагаа юм. Сансарын их гүрэн болсоноо зарлах нь их гүрний хийж чадах зүйл. Тиймээс бүгд нэгэн дуугаар Хятадыг их гүрэний хэмжээнд хүлээн зөвшөөрч байна. Алх хадуур анжисаар хувьсгал эхэлүүлсэн үгээгүй хоосон харанхуй хятад тариачид өнөөдр дэлхий дахины шинжлэх ухаан техникийн эхэнд явж байна. Хэдийгээр Хятадын энэ их аугаа их сүр хүчний талаар амтай бүхэн нь ярьж байх хооронд Гимилайн нурууны цаана нэгэн том их гүрэн мэндлэж байна. Энэ бол БНЭ улс юм.  Хоёр их гүрний талаарх зарим нэг харьцуулалтаас харвал: Дэлхийд хүн амын тоогоор хоёрдугаарт 1 тэрбум 210 сая, БНХАУ 1 тэрбум 347 сая, газар нутгийн хэмжээгээр долдугаарт 3 сая,166,414 км² , БНХАУ 9 сая 706,961 км²  газар нутагтай. Цэрэг зэвсгийн хувьд: Нийт цэргийн хүч 1,925,000, БНХАУ- 2,285,000 Дээрх тоо баримтуудаас харах юм бол хоёр улсын эдийн засаг хүчний харилцаа ойролцоо байгаа бөгөөд Энэтхэг улс БНХАУ-ын бодит өрсөлдөгч болж чадна гэж харагдахаар байна. Монгол улс нь БНЭ улстай эртнээс нааш сайн хөршийн харилцаатай байж ирсэн билээ. Соц нийгмийн үед Энэтхэг улстай ах дүүгийн ёсоор хамтран харилцаж эвсэлд үл нэгдэх хөдөлгөөний гишүүн хамт болж явсан. Энэтхэг Хятадын 1962 оны хилийн мөргөлдөөний үед Монгол улс нь Энэтхэг улсын талд орж байсан үе саяхан билээ. БНХАУ Энэтхэг улс хоорондын харилцаа таарамжгүй бөгөөд хоёр улс өмнө хэд хэдэн удаа зэвсэгт мөргөлдөөнд хүрч байсан юм. Мөн Энэтхэг улс нь Түвдийн салан тусгаарлах үзэлтэн гэгддэг дээрхийн гэгээн Далай ламыг нутагтаа орогнуулдагт нь БНХАУ тийм ч таатай ханддаггүй юм. Эдийн засаг болоод улс төрийн бүхий л түшинд хоёр улс өрсөлдөгчид гэж үзэж болно. БНХАУ-ын сансар судлалд гаргаж буй амжилтын араас БНЭ улс өөрийн гэсэн сансарын хөтөлбөр зохиосон бөгөөд бие даасан сансарын хөтөлбөрийг үе шаттайгаар хэрэгжүүлж байна. Ойрийн хэдэн жилийн дотор БНЭ улс бие даасан сансарын нисэгчтэй хөлөг хөөргөх төлөвлөгөөтэй байна. Мөн цөмийн цэнэгт хошуу бүхий тив алагсагч пуужингийн туршилт ойр ойрхон хийх болсон нь Бээжинг болгоомжилход хүргэж байгаа юм. Анх 1974 онд Энэтхэг улс цөмийн туршилт хийсэн бөгөөд энэ туршилт нь өнөөг хүртэл сайжирч хөгжсөөр ирсэн. Агни-6 тив алагсагч пуужин нь 10.000 км тусах хүчин чадалтай ба энэ нь Ази тив бүхэлдээ багтана гэсэн үг юм. Бээжин эмээхээс өөр аргагүй юм. Энэтхэг нь ОХУ, АНУ гээд Хятадын сөргөлдөгч талуудтай стратегийн болон хамтын ажиллагааны гэрээ байгуулаад байна. Энэтхэгийн далайд Энэтхэгийн тэнгисийн цэргийн хүчинтэй энэ зэрэгцэх хүчин одоогоор байхгүй байна. Энэтхэг улс нь 2 ширхэг нисэх онгоц тээгч хөлөгтэй бөгөөд БНХАУ нь дөнгөж 2012 онд өөрийн анхны засаж сайжруулсан нисэх онгоц тээгчтэй болсон. Яг өнөөдөр далай  тэнгисийн дайн хоёр улсын хувьд болбол Энэтхэг улс ялах магдлал өндөр гарч байна. Аль ч талаас нь харсан БНЭ улс яах аргагүй БНХАУ-ын бодит өрсөлдөгч бөгөөд Монголын итшэлт дотны анд нөхөр мөн. Биднийг Хятадын аюулаас АНУ-с илүү хамгаалах улс мөн гэж бодож байна. Эх сурвалж: http://bigbrother.blog.banjig.net