Сан Ён Мүүний үндэслэсэн Мүүний шашныг шүтэгч 3500 хосын хурим Өмнөд Солонгосын нийслэл Сөүл хотноо сүр дуулиантай боллоо. Хэдэн мянган хүнийг хамарсан энэ хурим шашныг үндэслэгчийг насан эцэслэснээс хойш анх удаа болж байгаа гэдгээрээ онцлогтой.  Үүнээс гадна 2400 хос өөр улсуудад гэрлэж байгаа аж. Эдгээр нүсэр хуримуудыг дүрс бичлэгээр шууд холбож үзүүлсэн аж. Энэ удаагийн гэрлэлтийг Сан Ён Мүүний бэлэвсэн эхнэр Хак Жа Хан удирдан явуулсан юм. Хуримаа хийсэн хосуудын  ихэнх нь өөр өөр үндэстнүүд юм. Ихэнх тохиолдол нь Ази эрэгтэйчүүд Европ эмэгтэйтэй гэрлэж байгаа гэнэ. Энэ мэт олноороо нэгэн дор хуримлах зан үйл 1960-аад оноос эхэлсэн бөгөөд хамгийн олондоо 30 мянган хос нэгэн зэрэг АНУ-ын нийслэл Вашингтон хотноо хуримын ёс үйлдэж байв. Гэхдээ энэ шашны зан үйл олон талаараа хүмүүсээс зэмлэл сонсдог ч үргэлжилсээр байна. Шашныг үндэслэгч Сан Ён Мүүн өнгөрөгч оны есдүгээр сард нас барсан бөгөөд түүнийг оршуулах ажиллагаанд тус шашныг шүтдэг 30 мянга гаруй хүмүүс оролцож байжээ. Э.Мөнхнасан