Америкийн  автомашин судлаачид жил бүр  шинэ автомашинуудын  дунд явуулсан судалгааг үндэслэн брэндийн  чансааг жагсаалтаар гаргадаг. J.D. Power and Associates компани АНУ-ын нутагт хурдалж буй 2010 онд үйлдвэрлэсэн  37 мянган автомашин эзэмшигчийг хамарсан  судалгааныхаа дүнг саяхан гаргалаа. Ингэхдээ брэнд тус бүрийн 100 автомашин тутмаас засварын газар ямар нэгэн эвдрэлээ засуулсан жагсаалтыг үндэслэдэг аж. Жагсаалтыг “LEXUS” брэндийн 100 автомашин 71 удаа засварт хандсан үзүүлэлтээр тэргүүлсэн бол “Porshe” 94 удаа хандсанаараа хоёрдугаарт “Lincoln” ба “Toyota” 112 удаа хандсан тул гуравдугаар байрыг хуваан эзэлжээ. Харин хамгийн найдваргүй машинд Land Rover брэндийн 100 машин  220 удаа засварт хандсан гэсэн үзүүлэлтээр жагсаалтын сүүл мушгилаа. Америкт  100 автомашинаас 126 удаа засварт хандах нь дундаж үзүүлэлт юм байна. Автомашины чанар ерөнхийдөө сайжирч байгаагаас энэхүү үзүүлэлт өмнөх жилээс зургаан нэгжээр буурсан гэсэн дүн гарчээ. Судалгаанд хамрагдсан 32 брэндээс 21 нь ямар нэгэн хэмжээгээр байраа ургшаа ахиулж чадсан бол TOYOTA–ын охин компани болох SCION брэндийн 100 машин тутмаас 135 нь засварт хандаж өмнөх жилийн /111 удаа/ тав дугаарт бичигдэж байсан байраа 18 руу ухарчээ. Жагсаалтыг хүснэгтээс үзнэ үү. Автомашин үйлдвэрлэгчдийн чансааны жагсаалт 2012 он

Автомашины марк	100 автомашин тутмаас засварын газар хандсан тоо	Автомашины марк	100 автомашин тутмаас засварын газар хандсан тоо
Lexus	71	GMC	134
Porsche	94	Scion	135
Lincoln	112	Nissan	137
Toyota	112	Infiniti	138
Mercedes-Benz	115	Kia	140
Buick	118	Hyundai	141
Honda	119	Audi	147
Acura	120	Volvo	149
Ram	122	MINI	150
Suzuki	122	Chrysler	153
Mazda	124	Jaguar	164
Chevrolet	125	Volkswagen	174
Ford	127	Jeep	178
Cadillac	128	Mitsubishi	178
Subaru	132	Dodge	190
BMW	133	Land Rover	220

  Э.Мөнхнасан