БНСУ-ын Сөүлийн Их сургуулийн эмнэлэгт энэ сарын 13-нд Монгол Улсын иргэн Б.Батчимэгийн гурван ихэр охин төрүүлжээ. Соёл-Эрдэнэ овогтой Хос-Аялгуу, Хосзаяа, Хос-Учрал нар эх Б.Батчимэгийн хамт өчигдөр “KAL” компанийн нислэгээр эх орондоо ирсэн байна. Эх үрсийн биеийн эрүүл мэндийн байдал сайн байгаа бөгөөд Сөүл дэх ЭСЯ-ны Консулын хэлтсээс эх Б.Батчимэгтэй холбогдон баяр хүргэсэн юм хэмээн Гадаад харилцааны яамнаас мэдээллээ.