Францын Лигийн 26 – р тойрогт лигийг тэргүүлэгчид болох  “ПСЖ” -  “Марсель” багуудын тоглолт Парис хотноо “Парк де Пренс” цэнгэлдэхэд боллоо. Энэхүү тоглолтонд  “ПСЖ” – гийн шинэ гишүүн Д.Бэкхэм анхны тоглолтоо хийх эсэх нь хөлбөмбөг сонирхогчдын анхаарлын төвд байлаа. Тоглолтын 11" - нд “Марсель” – ийн Николя Нкулу өөрийн хаалганд гоолдсоноор нийслэл хотынхон тоглолтыг тэргүүлж эхэллээ. Сүүлийн үед дорвитой тоглолт үзүүлэхгүй байгаа  “Марсель” – чууд энэ удаа ч мөн сайн тоглосонгүй. Олны хүсэн хүлээж байсанчлан тоглолтын 76’ – нд Хавье Пасторегийн оронд  Д.Бэкхэм талбайд гарч өөрийн фенүүдийнхээ магнайг тэнийлгэлээ. Тоглолтын цаг дуусах мөчид зүүн жигүүрээс ирсэн дамжуулалтыг З.Ибрагимович чихэж гоолдсоноор “ПСЖ” – чууд талбай дээрээ 2 - 0 - ээр ялалт байгууллаа. Ингэснээр тэд 26 тойргийн дараа 54 оноотой хүснэгтийг тэргүүлж эхэллээ. Б.Оргил