Испанийн “Эзэн хааны цом” – ын төлөө тэмцээний хагас шигшээд хоорондоо таарсан Реал Мадрид – Барсагийн хариу тоглолт “Камп Ноу” – д болж зочид 3:1 – ээр хожиж, тоглолтын  нийлбэр дүнгээр 4:2 – оор  финалд шалгарлаа. Тоглолтын эхний гоолыг 13’ – нд К.Рональдо 11 м – ийн торгуулийн цохилтоос орууллаа. Түүнийг  Пике дэгээдэн унагаж, шүүгч торгуулийн цохилт хийх эрхийг өглөө.  II үе эхлээд Ди Мариа “Барса” – гийн ахлагч Пуйолийг унатал нь хууран хаалга руу цохисныг Пинто хаасан ч ойгоод ирсэн бөмбөгийг К.Рональдо нэмэн 2 дахь гоолоо орууллаа. Тэрбээр Барсатай хийсэн сүүлийн 8 тоглолтонд 9 дэхь гоолоо ийнхүү оруулсан байна. Эхний тоглолтын баатар ,залуу тоглогч Варан  68’ – нд мөн л мөргөж гоол оруулан тооны харьцааг 3:0 болгон холдууллаа. Варан Барса - тай хийсэн 2 тоглолтонд дараалж 2 гоол оруулсан  бөгөөд 2 ланг мөргөж оруулсан хамгийн залуу тоглогч болон түүхэнд нэрээ мөнхөллөө . Цаг дуусахаас өмнөхөн буюу 89’ – нд Х.Альба Иньестагийн дамжуулалтаар гоолдож багийнхаа нэр төрийн гоолыг оруулсан байна. "Барселона" - "Реал" - 1:3 (0:1) Гоол: К.Рональдо, 13 – тор. цох (0:1). К.Рональдо, 57 (0:2). Варан, 68 (0:3). Хорди Альба, 89 (1:3). "Барселона": Пинто, Дани Алвес, Пике, Пуйоль, Хорди Альба, Шави (Тиаго, 73), Серхио Бускетс, Фабрегас (Вилья, 59), Педро (Тельо, 71), Месси, Иньеста. "Реал" (Мадрид): Диего Лопес, Арбелоа, Варан, Серхио Рамос, Фабио Коэнтрао, Хедира, Шави Алонсо (Эссьен, 84), Ди Мария, Озиль (Пепе, 78), К.Рональдо, Игуаин (Хосе Кальехон, 71). Шар хуудас : Пике, 13. Арбелоа, 38. Пуйоль, 41. Эхний тоглолт  - 1:1. “Эзэн хааны цом” – ын төлөө тэмцээний финалын тоглолт V сарын 18 – нд болох бөгөөд "Атлетико" Мадрид - "Севилья" багуудын хожсон нь  “Реал” Мадридтай тоглоно. Б.Төр