Хөрш орнуудад  сирийн дүрвэгсдийн тоо 940 мянгад хүрчээ. НҮБ-ын дүрвэгсдийн хэрэг эрхлэсэн дээд комиссар Антониу Гутерреш  Аюулгүйн Зөвлөлд үг хэлэхдээ ингэж мэдэгдэв. Сирийн байдал үнэхээр ноцтой болж байгааг тэр  сэрэмжлүүлээд, байдлыг цаашид муутгахгүй байхыг олон улсын хамтын нийгэмлэгт уриалсан байна. Он гарсаар  долоо хоног бүр 40 мянган хүн хил давж байгаа ажээ. Тэдний дийлэнх олонхи нь  Иордан, Ливан, Турк, Иракт толгой хоргодож байна. Шилжин суурьшигчид 4 сая орчим болоод байгаа улс орны дотоод дахь хүмүүсийн шаналал зовлонд анхаарал хандуулахыг Гутерреш  уриалжээ.  “Мөргөлдөөнд шаналж зовж байгаа бас палестины хагас сая дүрвэгч Сирид байдгийг бид мартах ёсгүй” гэж дээд комиссар хэлсэн байна. “Хоргодох боломж  олгож буй орнууд  маш сайхан сэтгэл гаргаж, хилээ нээлттэй байлгаж байсан бөгөөд гэхдээ  эдгээр орны боломж хязгаарлагдмал юм” гэж  Гутерреш анхааруулжээ.  Түүний хэлснээс үзвэл, Ливаны дөрвөн сая хүн ам  Сирийн дүрвэгсдээр 10 хувиар өссөн байна. НҮБ-ын дээд комиссарын дурдсан тоо баримтаас үзвэл, 2011 оны гуравдугаар сараас Сирид хямралын улмаас 70 мянган хүн амь насаа алдаад  байна. С.Золбоо