МАХН-ын Бага чуулган өчигдөр шөнө дүл болтол хуралджээ. Ярих асуудал олон, шийдэх сэдэв цөөнгүй байснаас тэгсэн бололтой. Намын удирдах бүрэлдэхүүнд ч өөрчлөлт оруулжээ. Тухайлбал, Санхүү эрхэлсэн нарийн бичгийн даргаар П.Хангал, Хүний нөөц хариуцсан нарийн бичгийн даргаар О.Лхагвацэдэн, Гадаад харилцааны нарийн бичгийн даргаар У.Барсболд нарыг сонгосон байна. Удирдах зөвлөлийнхөө зарим нөхдийг ч сольжээ. Э.Батшугар Монголбанкны дэд ерөнхийлөгчийн албан тушаалыг хаших болсон тул түүнийг намын Гадаад харилцааны нарийн бичгийн даргын үүрэгт ажлаас чөлөөлсөн аж. Тэрбээр мөн МАХН-ын гишүүнээсээ албан ёсоор түдгэлзжээ. Эх сурвалж www.wikimon.mn