Монголын байгаль орчинд нэг тэрбум төгрөгийн хохирол учруулсан гэх үндэслэлээр Захиргааны хэргийн шүүхэд дуудагдсан БНСУ-ын хөрөнгө оруулалтай “Туул ривер контри сайт” компанид холбогдох хэргийн шүүх хурал  өчигдөр товлогдсон боловч энэ сарын 13-ны өдрийг хүртэл хойшиллоо.

Туул голын энгийн болон онцгой хамгаалалтын бүсэд хууль зөрчин гольфийн талбай барьсан тус компанийн шүүх хуралд шүүгч  хариуцагчаас нотлох баримт гаргуулах шаардлагатай гэж үзсэн байна.

Энэхүү хохирлыг төлүүлэх, түүнчлэн хууль зөрчин газар олгосон нийслэлийн тухайн үеийн удирдлагад хариуцлага тооцуулахаар Монголын байгаль орчны төлөөх хуульчдын холбооноос шүүхэд нэхэмжлэл гаргаад байгаа билээ. “Туул ривер контри сайт” компани анх 60 га газарт үйл ажиллагаа явуулах зөвшөөрөл авсан ч түүнийгээ дур мэдэн 129 га болгож томсгосон байна.

Н.Бүжин